Жорий йилнинг 11-12 март кунлари Қирғизистон Республикаси Президенти Садирбек Жапаровнинг Ўзбекистон Республикасига амалга оширган давлат ташрифи доирасида икки томонлама ҳамкорликни янада ривожлантириш, жумладан Қирғизистон Республикаси ҳудудида “Қамбарота ГЭС-1” инвестиция лойиҳасини биргаликда амалга ошириш бўйича келишувга эришилди.
2021 йилнинг 13 март куни Бишкек шаҳрида Ўзбекистон Республикаси Энергетика вазири ва Қирғизистон Республикаси Энергетика ва саноат вазири бошчилигидаги ишчи гуруҳ йиғилиши бўлиб ўтди.
Учрашув давомида томонлар “Қамбарота ГЭС-1” инвестиция лойиҳасининг амалга оширилиши ҳамда “Шимолий Сўх” газни ер остида сақлаш иншооти (ГЕОСИ) фаолияти доирасидаги ҳамкорликни қирғиз томони билан яқиндан ўрганиш масалаларини муҳокама қилдилар.
Шунингдек, электр энергетикаси, нефть-газ, кўмир саноати, табиий газ етказиб бериш ва “Шимолий Сўх” ГЕОСИ эксплуатацияси бўйича 4та кичик қўмитадан иборат қўшма мувофиқлаштирувчи қўмита тузилди. Ҳар бир кичик қўмита учун комплекс дастурлар (“Йўл хариталари”) ишлаб чиқилди ва тасдиқланди.
Ўзбекистон Республикаси
Энергетика вазирлиги Матбуот хизмати
1402
